Stay up-to-date with all that's new at My-Island-Jamaica, Click Here to subscribe for my updates and don't miss a thing!

Hero Nanny Poem, by Louise Bennett

by Wellesley
(Jamaica)


Hero Nanny Peom
By Louise Bennett

We have one Jamaican proverb what say “If breeze no blow, yuh no know say dot fowl got skin.”

An lawks, missis, from Authority go announce Nanny as National Hero, a dont get fi fine out ou much Jamaica smaddy still shame a dem slavery heritage! Mmmm.

De gal Muches, she gi out, “Cho! Whe meck dem haffi go dig out dat-deh ole slave duppy fi tun National Hero?”

Aunty Roachy eye–dem glisten wid bexation, an she wheel roun pon Muches an holler, “Not duppy Hero, a Warrior Oman! Siddung, Muches, meck me tell yuh bout her.

Grandy Nanny couldn stomach slavery. Mmm. She use to hate de very soun a de wud ‘slave’, an she teck a oath an vow fi use Nanny Town which part she live as a refuge an backative fi all runaway slave who coulda fine dem way dere, mmm.

“But it wasn easy fi fine yuh way dere. So Nanny use to sen har warrior bredda dem by night fi rescue de slave dem from de plantation-dem.

Yes, tief weh de slave from de plantations by night, give dem safe passage pass Nanny pos into Nanny Town.

“Yuh can jus guess how de slave owner-dem did vex bout dat! Yes, Puppa! Yuh know omuch time dem sen soldiers an militia fi attack Nanny Town people dem? Mmmm.

“Nanny woulda meck her people-dem dress up demself eena leaf an disguise up damself like tree an bush an hide demself eena rock an stump.

“An meanwhile de attackin soldier-dem a march up a hill, dem would see de whole hillside a rush dung pon dem, tree an bush a gallop dung lacka horse pon dem!

“Yuh can guess how de soldier-dem frighten so till dem all dash weh dem! Ammunition an pick up dem foot eena dem han an run like dem pepper dem.

History book say ‘The soldiers were baffled and retreat in alarm.’ Lawks, what a joke!”
Muches holler, “Nanny pop dem! Gwann talk, Miss Roachy. Gwaan talk.”

Aunty Roachy she, “Grandy Nanny couldn talk much English, but she coulda meck drum talk an she coulda meck horn talk.

She always wear her abeng horn tie pon a string roun her wais, an she woulda stan up a de head a de precipice up a Nanny Town and fling back her head an lif up her horn an blow any message she want, to har Maroon people-dem.

“All like de day when she feel de danger dat di way into Nanny Town was not secret no longer an de soldier-dem was marchin in, she soun de abeng message to her followers, an tell dem fi pull foot cross de hills, keep to de mountain, put plenty mountains between dem an dis mountain, an fine a new hidin place, an den she start fi set fire to de town an soun de abeng again, an she, “Stay free! Stay free!”

Well, same time as Aunty Roachy stop fi ketch breath, one bwoy name Cubbitch come een an gi out, “What a gwaan? What a gwaan?” De gal Muches say, Miss Roachy a tell we bout Nanny.”

Hear de outa-order bwoy, Nanny goat?” An him start holler, “Baaa! Baaa!”

Aunty Roachy wheel roun pon him an say not Nanny goat, Cubbitch. Not goat.

Woman! A strong fearless Jamaican warrior oman dat wouldn buckle under slavery.

Your ancestor, Cubbitch, dat yuh shoulda proud a, an stop holler ‘baaa, baaa’ an holler ‘tallawah’!”

Cubbitch say, “Pop story gimme. Miss Roachy.”
Aunty Roachy, say, “My granmodder tell me say dat fi her granmodder tell har say dat Nanny Town and Compong Nanny an moore Tung Nanny was de selfsame Nanny. Mmmm.

“An when history book say dat Cudjoe was de mose darin Maroon leader of de time, everybody did know say dat it was him sister Nanny who wasa gi de orders fi swoop dung pon de plantation-dem a night time an set fire to de cane piece dem an leggo de slaves-dem an bring dem fi strengthen de Maroon forces-dem, a oh!

“But Nanny wouldn have no part or lot wid Peace Treaty signin. An when Cudjoe was determine fi sign Peace Treaty, Compong Nanny teck weh herself from Compong Town an go back to Portland.

For Nanny say as long as dere was even one slave pon plantation no black smaddy was free.”

Hear Cubbitch: “A so Anty Roachy?”

Aunty Roachy say, “A so! But black people never got nobody fi write dung fi-dem hero deserving deeds eena book, so from generation dem write it dung eena dem rememberance.

An my granmodder tell me say fi-her granmodder tell har say dat a fihar granmodder did tell har say, a so!”

Ay yi yie!




Source: An Anthology of Creative Literary Works for the Speech Competition

Click here to post comments

Join in and write your own page! It's easy to do. How? Simply click here to return to Your Jamaican Poems.

Sharing IS Caring... Its now YOUR turn to...


If you found this page useful, please consider subscribing to my weekly newsletter, My Island Jamaica Digest here. 

It tells you each week about the new information that I have added, including new developments and great stories from lovers of Jamaica!

Back To The Top Of This Page

New! Talk To Me
Was the information helpful? Something needs changing? I welcome
your feedback here.

Read More ...

-

Recommended For You ...


Other Great Articles You Might Have Missed

data-matched-content-rows-num="2" data-matched-content-columns-num="3"

Please help me get the message out by sharing this article with your friends on social media (links below). Thnx ;-)

Also connect with My-Island-Jamaica.com on Social Media: 

Facebook | Twitter | Instagram | Youtube
Thank You!

P.S. Didn't find exactly what you were looking for? Still need help?

Click Here to try our dependable and effective Site Search tool. It works!

Or, simply click here and here, to browse my library of over 500 questions and answers! Chances are someone already asked (and got an answer to) your question.


About The Author

wellesley gayle - booking link

A patriotic Jamaican who adore its culture, Wellesley has been using this medium to share what he calls 'the uniqueness of Jamaica with the world' since April 2007.  

To date, he serves over 9,300 unique readers / viewers per day.

His efforts have earned this site featured positions in local publications, including the Jamaica Gleaner's Hospitality Jamaica, Carlong Publishers, as well as recognition from numerous prestigious international agencies and universities. Read more about him here.

He invites you to subscribe to this site to stay updated on all the latest and check out his unique Jamaican products on his Etsy store.  

If you are on social media, here are the links to follow his latest posts

You are also invited to join his exclusive JAMHearts community where like-minded Jamaican enthusiasts discuss all things Jamaican. 

copyscape
Back To The Top Of This Page