Jamaica50 Entry #11 -My Jamaica (Poem)
My Jamaica is 50 years independent
Independent from the pence to dollars and cent
Independent wid wi own national flag
Di black, green an' gold, full up a swag
Everywhere wi go, people wah fi know
How wi runners so fas' an' none a dem nuh slow?
Since wi independence, nuh body caan test
Jamaicans are just simply di best
In football, netball and track n' field
Wi music tun up, not fi mention wi zeal
Bob Marley, Ottey and wi Bob sled team
Meck wi deh pon di map and di worl' scenes
Afta 50 years, wi have nuff fi show
But wi still have a lot more years to go
We hafi stop di crime an' di violence
Be productive and do tings weh meck sense
Fi mi Jamaica, mi love it fi true
Mi nuh know bout him, mi nuh know bout you
But nuh matter weh mi go, I will always be
A proud Jamaican, independent and free!!!
Click Here to Share YOUR Jamaica50 item too!