Hero Nanny Poem, by Louise Bennett

by Wellesley
(Jamaica)


Hero Nanny Peom

By Louise Bennett

We have one Jamaican proverb what say “If breeze no blow, yuh no know say dot fowl got skin.”

An lawks, missis, from Authority go announce Nanny as National Hero, a dont get fi fine out ou much Jamaica smaddy still shame a dem slavery heritage! Mmmm.

De gal Muches, she gi out, “Cho! Whe meck dem haffi go dig out dat-deh ole slave duppy fi tun National Hero?”

Aunty Roachy eye–dem glisten wid bexation, an she wheel roun pon Muches an holler, “Not duppy Hero, a Warrior Oman! Siddung, Muches, meck me tell yuh bout her.

Grandy Nanny couldn stomach slavery. Mmm. She use to hate de very soun a de wud ‘slave’, an she teck a oath an vow fi use Nanny Town which part she live as a refuge an backative fi all runaway slave who coulda fine dem way dere, mmm.

“But it wasn easy fi fine yuh way dere. So Nanny use to sen har warrior bredda dem by night fi rescue de slave dem from de plantation-dem.

Yes, tief weh de slave from de plantations by night, give dem safe passage pass Nanny pos into Nanny Town.

“Yuh can jus guess how de slave owner-dem did vex bout dat! Yes, Puppa! Yuh know omuch time dem sen soldiers an militia fi attack Nanny Town people dem? Mmmm.

“Nanny woulda meck her people-dem dress up demself eena leaf an disguise up damself like tree an bush an hide demself eena rock an stump.

“An meanwhile de attackin soldier-dem a march up a hill, dem would see de whole hillside a rush dung pon dem, tree an bush a gallop dung lacka horse pon dem!

“Yuh can guess how de soldier-dem frighten so till dem all dash weh dem! Ammunition an pick up dem foot eena dem han an run like dem pepper dem.

History book say ‘The soldiers were baffled and retreat in alarm.’ Lawks, what a joke!”
Muches holler, “Nanny pop dem! Gwann talk, Miss Roachy. Gwaan talk.”

Aunty Roachy she, “Grandy Nanny couldn talk much English, but she coulda meck drum talk an she coulda meck horn talk.

She always wear her abeng horn tie pon a string roun her wais, an she woulda stan up a de head a de precipice up a Nanny Town and fling back her head an lif up her horn an blow any message she want, to har Maroon people-dem.

“All like de day when she feel de danger dat di way into Nanny Town was not secret no longer an de soldier-dem was marchin in, she soun de abeng message to her followers, an tell dem fi pull foot cross de hills, keep to de mountain, put plenty mountains between dem an dis mountain, an fine a new hidin place, an den she start fi set fire to de town an soun de abeng again, an she, “Stay free! Stay free!”

Well, same time as Aunty Roachy stop fi ketch breath, one bwoy name Cubbitch come een an gi out, “What a gwaan? What a gwaan?” De gal Muches say, Miss Roachy a tell we bout Nanny.”

Hear de outa-order bwoy, Nanny goat?” An him start holler, “Baaa! Baaa!”

Aunty Roachy wheel roun pon him an say not Nanny goat, Cubbitch. Not goat.

Woman! A strong fearless Jamaican warrior oman dat wouldn buckle under slavery.

Your ancestor, Cubbitch, dat yuh shoulda proud a, an stop holler ‘baaa, baaa’ an holler ‘tallawah’!”

Cubbitch say, “Pop story gimme. Miss Roachy.”
Aunty Roachy, say, “My granmodder tell me say dat fi her granmodder tell har say dat Nanny Town and Compong Nanny an moore Tung Nanny was de selfsame Nanny. Mmmm.

“An when history book say dat Cudjoe was de mose darin Maroon leader of de time, everybody did know say dat it was him sister Nanny who wasa gi de orders fi swoop dung pon de plantation-dem a night time an set fire to de cane piece dem an leggo de slaves-dem an bring dem fi strengthen de Maroon forces-dem, a oh!

“But Nanny wouldn have no part or lot wid Peace Treaty signin. An when Cudjoe was determine fi sign Peace Treaty, Compong Nanny teck weh herself from Compong Town an go back to Portland.

For Nanny say as long as dere was even one slave pon plantation no black smaddy was free.”

Hear Cubbitch: “A so Anty Roachy?”

Aunty Roachy say, “A so! But black people never got nobody fi write dung fi-dem hero deserving deeds eena book, so from generation dem write it dung eena dem rememberance.

An my granmodder tell me say fi-her granmodder tell har say dat a fihar granmodder did tell har say, a so!”

Ay yi yie!




Source: An Anthology of Creative Literary Works for the Speech Competition

Click here to post comments

Join in and write your own page! It's easy to do. How? Simply click here to return to Your Jamaican Poems.

Thanks For Reading!
Like What You Just Read?

Great Articles You Might Have Missed

And Before You Go!

You are welcome to join my special friends list and receive exclusive updates (like this), tips, trivia and stories from lovers of Jamaica! Just enter...

Also connect with My-Island-Jamaica.com on Social Media: 
Facebook | Twitter | Instagram | Youtube

Thank You!

Need Help?

We have a cherry list of top Jamaican companies that might be able to help you. Please click here to see them, our preferred partners and site sponsors.

copyscpe
Top Of Page
Wellesley Gayle

What's New? Click Here And See

New!  I've created a Welcome Audio. Just click the Play button below to listen.

Please subscribe here to get my latest updates.

SEARCH THE SITE



Site Sponsors

jamaica_click_down_here_visit_our_sponsors

Our Preferred Sponsors (below)

(Our Sponsorship Policy)

Luna Sea Inn
Luna Sea Inn Photographers in Jamaica
Wedding Photographers
Jamaican Souvenirs
Best Jamaican Souvenirs Cars For Sale In Jamaica
Cars For Sale

Click Here to Visit Our Sponsors' Page

Did You Miss These?

What's New?

Below is a list of the very latest articles I posted on the site.

Recent Articles

  1. Car Rentals Jamaica - Top Dealers, Best Time To Rent, And More

    Jul 22, 17 07:11 PM

    When is the best time to rent? And who are the most popular car rentals in Jamaica? Read this Car Rentals Jamaica for more

    Read More

  2. Westmoreland Jamaica - Facts, Fictions & Attractions

    Jul 19, 17 01:13 AM

    Ok, you know about Negril, but what do you know about Westmoreland Jamaica? Here's what you need to know.

    Read More

  3. Looking For Montego Bay Jobs? Here Are The Top Job Openings Right Now

    Jul 18, 17 12:45 PM

    What are the top Montego Bay jobs? Here is my take - plus a list of the top jobs in Montego Bay Jamaica

    Read More

  4. Easy Jamaican Jerk Seasoning Recipe - Plus The Best Ready Made Options

    Jul 17, 17 12:54 AM

    Here's how to make Jamaican jerk seasoning from scratch, plus our recommendations on the best ready made ones

    Read More