miss lou's poem - dutty tuff
Why can't I find miss lou's "dutty tuff" poem on the internet?
ANSWER: May-15-2009 by Wellesley Gayle
I will ease your frustration right now! :-)
Here is the poem...
Dutty Tough - Louise Bennett
Sun a shine but tings no bright;
Doah pot a bwile, bickle no nuff;
River flood but water scarce, yawl
Rain a fall but dutty tough.
Tings so bad dat nowadays when
Yuh ask smaddy how dem do
Dem fraid yuh tek it tell dem back,
So dem no answer yuh.
No care omuch we dah work fa
Hard-time still een we shut;
We dah fight, Hard-time a beat we,
Dem might raise we wages, but
One poun gawn awn pon we pay, an
We no feel no merriment
For ten poun gawn pon we food
An ten pound pon we rent!
Saltfish gawn up, mackerel gawn up.
Pork en beef gawn up,
An when rice and butter ready
Dem just go pon holiday!
Claht, boot, pin an needle gawn up'
Ice, bread, taxes, water-rate
Kersene ile, gasolene, gawn up;
An de poun devaluate.
De price of bread gawn up so high
Dat we haffi agree
Fi cut we yeye pon bred an all
Tun dumplin refugee
An all dem marga smaddy weh
Dah gwan like fat is sin
All dem-deh weh dah fas wid me
Ah lef dem to dumpling!
Sun a shine an pot a bwile, but
Things no bright, bickle no nuff
Rain a fall, river dah flood, but,
Water scarce and dutty tough.
Stay in touch Shann.
Who is Louise Bennett?
My favourite Jamaican poems
Jamaican Folk Tales
Our Jamaica Blog
Didn't find exactly what you were looking for?
Click Here to do a quick search of the entire site
Like What You Read?
If so, please join my special friends list and receive exclusive monthly updates, tips, trivia and stories from lovers of Jamaica!
PLUS get a FREE COPY of my eBook, 101 Intriguing Facts About Jamaica! Just enter your email & first name below: