Good Morning Teacher (aka New Scholar) - Jamaican Poem by Louise Bennett
By Louise Bennett
from Speech Anhology, JCDC 2011.
Good mahnin, Teacher — ow is yuh?
My name is Sarah Pool.
Dis is fi-me li bwoy Michal
An me just bring him a school.
Him bawn one rainy day, ma'am, it
Was comin awn to night —
Ugly baby grow pretty fi true,
For dis one was a sight.
Him bawn de week when Rufus
Jack-fruit tree did start fi bear,
Is dat same mont Oby pig dead
— But me figat de year.
We call him Mi, Mike, Mikey,
Jay, Jakey, Jacob, Jack,
But him right name is Michal Jaco'b
No treat him rough, yaw, Teacher;
Him is a sickly chile:
As yuh touch him hard him meck nize'
Some people seh him pwile.
Teck time wid him yaw teacher-
If him rude an start fi rave
Dis beat annoder bwoy , an him
Wi frighten an behave.
For nuff time when him rude a yard
An woan hear at all
Ah jus beat de bed-poas hard, mah,
An yu waan fi hear Jack bawl!
Now dat yuh know hi, lickle ways
Ah not havin no fear
Dat anyting wi mel him, so
Ah lef him in yu care.
See Also: Information on "Miss Lou"
Related: Click Here For Other Poems by Louise Bennett
Was The Information Helpful?
Great! Please help me get the message out by sharing with your friends on social media (links below)
You are also welcome to join my special friends list and receive exclusive updates (like this), tips, trivia and stories from lovers of Jamaica! Just enter...
Also connect with My-Island-Jamaica.com on Social Media:
Facebook | Twitter | Instagram | Youtube