jamaica 50th celebration

by Nicole Turner
(KINGSTON JAMAICA)

Jamaica 50th CELEBRATION
By: Nicole Turner

Whoie, wat a long journey eh
mi country live fi be fifty
Mi proud a dis yah island

Dis represent fi our nation
Black White Chineese African and Indian.

One love one heart Bob Marley did seh
Sweet reggae beat we a dance to gereh
Juke box did a play wen we a rock steady
Now everybody gone a weddy weddy

Wat a whole heap a gold green and black
Coo pan Mary ina long bandana frock.
Dis longtime gal mi neva see yuh
come hold a pan mi hand
Miss lou woulda a proud fi see dis day
a yah so nice jus did a play

Move up! gu dung excuse me please……..
Mi soon reach di line fi di nice Jamaican cuisine
Food! food ! food cant dun
Mi mouth water wen mi see di run dung
Red and gungu rice an peas……….
bwoy mi nuh wish fi miss di national dish
that which is ackee and saltfish
sinting deh yah fi every parish ………

Trelawny represent fi white and yellow yam
Portland gi yuh jerk chicken and pork fi nyam
St.Mary banana deh yah to man

St Thomas ova deh so
Di ladies rap head a share dukunu
But masi God whole heap a tings
ina one likkle island.
Mi cant eat fi all a di parish dem
Mi jus see mi goody goody fren.
Country come a town
and town gu back a country
People like mad ants
Ina di Jamaican race
Di beauty queen dem a cum in
Cindy Breakspear, pretty same way mi dear
Miss Lisa Hannah from politics
She nuh put up with nuh antics
Terry Karelle ,
boy she did really well
Lawd Yendi Phillips dis a wave and a smile
By the looks I can tell she gwan have a beautiful child
Coincidence Asafa dem a come in
Di whole athletics body dem a run cum
dem a move fast nuh lighthning bolt

Whoie di torch get brite nite a cum dung
Di whole stadium a get quiet
JIS ,TVJ and CVM dem deh pon spot
Mi proud all light lock off and we get candle fi hold
Di politician dem join up
Di whole a we stan up
di soldier and police dem strong up
the anthem start
di flag a guh up
eye wata full up fi mi eye

we likkle but we talla wah
Jamaica di land of mi birth
mi proud a dis yah island yah
HAPPY 50Th Jamaica!!!!!!!